Maxfiylik siyosati

28-sentabr 2026-yildan amal qiladi

Ushbu siyosat Wash Club ilovasi va washclub.uz sayti qanday ma’lumotlarni yig‘ishini, ular nima uchun kerakligini, kim bilan ulashishimizni va ularni qanday o‘chirish mumkinligini tushuntiradi. Ma’lumotlar operatori — «WASHCLUB» MChJ, Toshkent, O‘zbekiston. Aloqa: info@washclub.uz, Telegram @washclub_uz.

Qanday ma’lumotlarni yig‘amiz

• Hisob: ism, telefon raqami, Telegram identifikatori va Telegram profil surati (agar bo‘lsa), ilova tili.
• Mashinalar: davlat raqami, marka, model, rang va kuzov turi; siz qo‘shsangiz — mashina surati.
• Abonement va tashriflar: sotib olingan abonement, bronlar (filial, vaqt), tashriflar tarixi.
• Check-in: QR-kodni skanerlaganda — o‘sha paytdagi telefon joylashuvi (filial yonida ekaningizni tasdiqlash uchun) va davlat raqamini tekshiradigan mashina surati.
• To‘lov: to‘lov Paylov himoyalangan sahifasida o‘tadi; karta ma’lumotlarini biz olmaymiz va saqlamaymiz. Biz to‘lov summasi, holati va sanasini saqlaymiz.
• Birinchi kirishdagi qisqa so‘rovnoma javoblari.
• Qurilma va foydalanish: qurilma modeli, tizim va ilova versiyasi, IP-manzil, til; ilovadagi hodisalar (qaysi ekranlar ochilgani, qaysi tugmalar bosilgani) va nosozlik hisobotlari.
• Faqat Android’da: mashinadan ish uchun foydalanadigan haydovchilarga mos tarifni taklif qilish uchun ilova qurilmada taksi haydovchilari uchun muayyan ilovalar o‘rnatilganini tekshiradi. Biz faqat shu ilovalardan qaysi biri topilganini yozamiz — hech qachon ilovalaringiz ro‘yxatini emas.

Biz qurilmaning reklama identifikatoridan foydalanmaymiz va joylashuvni fonda kuzatmaymiz.

Nima uchun

• Kirish va hisobni yuritish.
• Bron, check-in va moyka xizmatini ko‘rsatish.
• Abonementdan u rasmiylashtirilgan mashina foydalanayotganini tekshirish (firibgarlikdan himoya).
• To‘lovlarni qabul qilish.
• Telegram orqali yordam va bildirishnomalar.
• Ilovani yaxshilash: statistika va nosozliklarni tuzatish.
• Qonun talablarini bajarish (buxgalteriya hisobi).

Kim bilan ulashamiz

• Hamkor avtomoykalar (ilovadagi filiallar) — sizga xizmat ko‘rsatish uchun ism, davlat raqami va bron.
• Paylov — to‘lovlar uchun.
• Telegram — kirish va xabarlar uchun.
• Yandex AppMetrica — statistika va nosozlik hisobotlari uchun (ma’lumotlarni Yandex, jumladan O‘zbekistondan tashqarida, qayta ishlaydi).
• Google — Android ilovasidagi xarita (Google Maps) Google’ga texnik ma’lumotlarni yuboradi: qurilma, IP-manzil va nosozliklar.
• Davlat organlari — faqat qonun talab qilganda.

Biz ma’lumotlarni sotmaymiz.

Qayerda va qancha saqlanadi

• Ma’lumotlar O‘zbekistondagi serverlarda saqlanadi.
• Hisob ma’lumotlari — hisob mavjud ekan.
• Check-in suratlari — 90 kun.
• To‘lov va tashriflar yozuvlari — qonun talab qilgancha; hisob o‘chirilgach, shaxsiy ma’lumotlaringizsiz.
• Xavfsizlik jurnallari (firibgarlikdan himoya) — zarur muddatgacha.

Sizning huquqlaringiz

• Ma’lumotlarni ilovada ko‘rish va tuzatish (profil, mashinalar).
• Hisobni o‘chirish: Sozlamalar — «Hisobni o‘chirish» yoki washclub.uz/delete-account sahifasi orqali so‘rov.
• Ruxsatlarni (kamera, joylashuv) telefon sozlamalarida bekor qilish.
• Savollar: info@washclub.uz yoki Telegram @washclub_uz.

Bolalar

Ilova 18 yoshga to‘lmagan shaxslar uchun mo‘ljallanmagan.

O‘zgarishlar

Siyosat o‘zgarsa, ushbu sahifa va sanani yangilaymiz; muhim o‘zgarishlar haqida ilovada xabar beramiz.